નમસ્કાર ન્યુઝ
જો તમે પણ બીજા કરતા અલગ વિચારતા હોવ અને ક્રિએટિવ ફિલ્ડમાં તમારી કારકિર્દીને નવી અને ઊંચી ઉડાન આપવા માંગતા હો, તો તમે ફેશન કોરિયોગ્રાફીમાં વિચાર કરી શકો છો. ફેશન કોરિયોગ્રાફર્સ ટ્રેન્ડ મુજબ ફેશન શોમાં ડિઝાઇનર્સ અને સ્ટાઇલિશના પ્રોડક્ટ્સને વિશિષ્ટ રીતે રજૂ કરવામાં મદદ કરે છે. ફેશન શોનો ટ્રેન્ડ વિદેશથી આવ્યો છે. અગાઉના વેસ્ટર્ન કલ્ચર મુજબ જ્યારે મોડલ્સ રેમ્પ વોક કરતી ત્યારે તેમાં પશ્ચિમી વિચારોની ઝલક જોવા મળતી. હવે બદલાતા સમય સાથે ભારતમાં તેનો વ્યાપ વધ્યો છે, તો હવે રેમ્પ વોકમાં ભારતીય સંસ્કૃતિ પણ જોવા મળે છે.
કલેક્શનને પ્રભાવશાળી રીતે રજૂ કરવામાં કોરિયોગ્રાફરો મહત્વની ભૂમિકા ભજવે છે. જેમ કે રેમ્પ વોક દરમિયાન લાઇટિંગ કેવી રીતે થશે, કયું ગીત વાગશે અથવા બેકગ્રાઉન્ડની ડિઝાઇન કેવી હશે. આ વસ્તુઓ મોડેલોને વધુ આકર્ષક બનાવે છે અને તે કોઈપણ વસ્તુને પ્રેસન્ટ કરવાની વ્યાવસાયિક રીત છે.
ફેશન કોરિયોગ્રાફર કેવી રીતે બનવું?
ફેશન કોરિયોગ્રાફર બનવા માટે, સરકાર માન્ય કોઈ પણ બોર્ડમાંથી 12મું ધોરણ 50% થી વધુ ગુણ મેળવી પાસ કરવું. સારી કોલેજમાં પ્રવેશ મેળવવા માટે એન્ટ્રન્સ ટેસ્ટ પાસ કરવી પડે છે. ઘણી ખાનગી સંસ્થાઓ પણ 12મા માર્કસના આધારે પ્રવેશ આપે છે. પોસ્ટ ગ્રેજ્યુએશન કોર્સ માટે તે જરૂરી છે કે તમે પહેલા તમારું ગ્રેજ્યુએશન પૂરું કર્યું હોય.